قصيده بتقول ارجع بأه ــــ الرئيس جمال عبد الناصــر

العنوان: إرجـــع بأه
الشاعر: جمال بخيت
الناشر: غير متاح
إرجع بأه
وفك حبل المشنقة
وامسح همومنا باللقا
ياجدرنا تحت التراب
يا حلمنا فوق السحاب
يا عمرنا طال العذاب
فى الإنتظار
رجعوا التتار
لكننا أشواك بتتحدى العطش
وجنود بتتحدى الفرار
نسقط ساعات
لكننا نفضل كبار
نفتح عيون للانبهار
متشوقة
فارجع بأه
وفك حبل المشنقة
وارفع راياتك يا أبى
قريش بتسأل عن نبى
يهديها من بعد العمى
خالد قتل مسيلمة
لكن جنوده الكدابين
عينهم فى طابا
يتحدوا فرسان الخطابة
ويلجموهم بالسكوت
فى عصر بيروت الحزين
خالد قتل مسيلمة
لكن جنوده الكدابين
بيفتتوا دلتاك بصبر
وبيحفرولى فى سينا قبر
وبيركبوا نيلى العنيد
وبيخنقونى فى الصعيد
بكلام نكت وبتريقه
فارجع بأه
دا الهزل زاد
والباشا إيده على الزناد
وصدقى بيصلى لفؤاد
وبيحلفوا نرجع عبيد
نتباع فى أسواق الكساد
الهزل زاد
والباشا إيده على الزناد
والسد جوه الفوهة
لو ينسفه تغرق بلادك كلها
وتعود سنين الأوبئة
تسكن ضلوعنا الضيقة
فأرجع بأه
الشمس سكنت كل غرب
حلفت ما ترجع للشروق
من أى شرق
إن لم تكن فى الأنتظار
إنت وسيفك -والتتار تحت القدم-
فأقضى بصوتك على العدم
إعدل موازين الزمان
رتب نجومنا فى الفضا
وأكسى وجوهنا بالرضا
بعد الشقى
دى الأمة لسه محتاجاك
والأرض لسه مهيأة
فأرجع بأه

نيس توبيك

مشكوررررررررررررررررررة والله يعطيك العافية اختى

فى انتظار جديدك

تسلم ايدك يابحر التوبه

واسمحيلي بكلمتين لحبيب الملاين جمال عبد النانصر

جمال ياجمال الناس بتحبك طول الزمان

جمال ياجمال مش هننساك طول الزمان

جمال ياجمال اسمك اتنقش بدماء قلوب الملايين

جمال ياجمال اسمك مزين شوارع العرب

جمال ياجمال حبك في قبلي مش هنساك

مشكورة يابحر التوبه

وتقبلي مروري

شكرا كيمو وشهد على مروركم اسعدنى كتير
شكر حاص لابيه حسام على كلماتك الغاليه فين ايام جمال عبد الناصر ياليت الزمان يعود يوما
ماحلى هذه الايام