شوفو الستـــــــــــــــــــــــــات المفــــــــــتريه

حوار بين زوج وزوجه الساعه 4 الصبح
هي : ايمن اصحى اقوم بقى
هو : فيه ايه ياوليه بتصحيني ليه دلوقتي
هي: اقوم يا اخي عايزاك الله
هو : وهي حبكت تعوزيني دلوقتي
هي : قوم وخلاص مش كفايه بتشتغل من الصبح لحد الساعة 2 الفجر وسايبني كله ده
لوحدي
هو : كويس انك عارفه حكايه الساعه 2 الصبح يعنى ملحقتش انام حرام عليكي
هي : يعنى اكلم نفسي واروح اخبط على الجيران علشان اكلمهم
هو في سره( روحي خبطي خليهم يخبطوكي على دماغك ستين جزمه) خير يا ست
هي : انا زهقانه كل يوم ما بين البيت وماما وقرايبي مفيش جديد
هو : عايزه ايه قولي من الاخر
هي : عايزه اشترك في نادي
هو : بتصحيني دلوقتي علشان تقولي كده انا كنت عارف انك وليه مجنونه ياما حسيت بكده
بس قلت ياواد ده كسوف زياده بس طلعتي مجنونة ونص
هي : بتقول عليا مجنونه انت ناسي يوم ما جيت لماما علشان تخطبني وكنت لابس شراب مقطع
بان لما قلعانك الجزمة على الباب وقالولي اهلي كلهم طنط ناني وطنط الفت واونكل تيتو
ملقيتش الا المعفن ده وتتجوزيه وانا اللي وقفت قدامهم كلهم علشانك .
هو : ايه لازمة طول اللسان ديه على الصبح وبعدين حكايه الشراب ديه صفحه وانتهت من حياتي
مش كل شويه تزليني بيها
هي : خلاص المهم انا عايزه اشترك في النادي اللي بتروحه ميمي بنت خالتي ولا هيه احسن مني
هو: يعنى بلاش ناكل بلاش نشرب وكل الفلوس اللي عملتها في الغربه اشترالك بيها في نادي انت جرى لمخك
حاجه
هي: هتعرف جرى لمخي حاجه ازاي لما الم عليك الناس يا بخيل مستخصر فيا 60 70 الف جنيه
اشترك بيهم انا كان لازم اعرفك علىحقيقتك يابو شراب مقطع .
هو: قلتك بلاش السيرة ديه والا قسما عظما..
هي : قسما عظما ايه هتضربني فاكر اخر مرة لما زعقتلي وكلمت خالي في القسم وقلتله
وجالك ومعاه اتنين عساكر وسحبك للقسم وعبطك ورجعت وقفاك محمر ولا ناسي
هو : خالك يا حلوه خلاص طلع على المعاش ولا نسيتي
هي : اه بس خالي اللي في مستشفى المجانين لسه

وهكذا بعد ايام تجدينها تجلس في حديقة النادي وزوجها اشتغل شغلانه تالته
من الساعه 2 الصبح لغايه 8 صباحا
ههههههههههههههههههههههههههههههههه

على فكره دى مش مفتريه بس دى جامعه كل الافترى اللى فى العالم بس والله مش كل الستات زيها كده و العيب على جوزها يا شباب برضوه ما هو لو اخد باله من شرابه مكنش حصله كل ده ومن هنا فى نصيحة مهمة جدااااا للشباب وهى لازم كل واحد ياخد باله من شرابه وخصوصا فى المقابله الاولى ليكون مسيره زى صحابنا كده

نصيحة مهمة جدااااا للشباب وهى لازم كل واحد ياخد باله من شرابه وخصوصا فى المقابله الاولى
هههههههههههههههههههههههههههههههه
ميرسي علي النصيحه بقايا
وياريت تشرفينا في الشات نتعرف بحضرتك وتتعرفي علي الاعضاء
وان شاء الله نكون عند حسن ظنك
وميرسي علي ردودك الرائعه

ههههههههههههه
تسلم ايدك ياعاشق

يسلموووووووووووووو فهود منورني

يسلمووووووووووووو اديك عاشق هههههههههه

هههههههههههههههههههههه
دي مفترية بجد

» شوفو قله ادب البنات
» تعالو شوفو
» شوفو فشر البنات ههههه
» شوفو الفرق بين العزومتين
» حمار اتخنق من اسمه شوفو عمل ايه!!!