منايا أوصلك ... درس للشيخ حازم شومان ...

بسم الله الرحمن الرحيم

السلام عليكم ورحمه الله وبركاته

اللهم لك الحمدكله ولك الملك كله وبيدك الخير كله واليك يرجع الامركله
======================================
هذا تفريع درس لشيخنا الفاضل حازم شومان ..

هو الدرس طويل لكن معلشى اصبروا واقروا الدرس لاخـره ...
=========================================
أحد الشعراء وقع فى غرام فتاه من الفتيات فبدأ يكتب فيها شعر . ومن ضمن الابيات اللى
كتبهلها بيقولها ...

طرقت الباب حتى متنى ...

بيقولها انا فضلت واقف على بابك اخبط على الباب علشان تفتحيلى لحد مايدي وقفت ...

ياجماعه ده مخلوق وقف على باب مخلوق كل المده دهيه أنت مستعد تقف على باب الخالق
قد أيـه ؟؟

انتى مستعده تقفى على باب ربنا لغايه مايفتحلك قد ايـه ؟

تخيلوا بيقف على باب واحده قد ايه علشان تفتحله ؛؛خطيب بيقف على باب خطيبه ؛ او باب ابو خطيبتك قدايه ؟؟

واحد بيقف على باب واحد علشان يتوسطله فى شغلانه قد ايه ؟؟؟

احنا مستعدين نقف على باب ربنا قد ايه علشان يفتحلنا ؟

عايزين نتكلم عن ربنا ...
لان الكلام عن ربنا هو أخطر حاجه بتغير القلوب

لو معرفناش ربنا يبقى ايه معنى حياتنا ...
أحنـا عايشين ليييه ؟؟ ايه هو هدفنـا فى حيانتـا .. ايه قميتنا ..

احنا عرفنا ايه لومعرفناش ربنا ... احنا اصلا عايشين ليه ...

ولكن لو عرفنا ربنا هنثبت صح هنثبت للاخر هنصبر للاخر لو عرفنا ربنا هنوصل لربنا سبحانه وتعالى ..

أنا بتكلم عن ربنا ليه ...؟؟
مش عشان كلمتين حلوين والبرنامج يخلص ..

أنا بتكلم عن ربنا علشان قلوبنا تزلزل لما تسمع كلمـه الله
علشان قلب العاصى يتزلزل وينسف اى معصيه فى حياته ..

علشان اللى فى قلبه مرض ينزع اى مرض من قلبه بأذن الله ..
علشان اى انسان ياجماعه .. يعرف ايه هدفه فى الحياه .. وايه طريقه فى الحياة ..

علشان الملتزم يعرف ان الركض الى الله هو الحاجه الوحيده اللى ليها قيمه فى الحياة

أنا بتكلم عن مييييييييين ؟؟

أنا بتكلم على لما سيدنا ابراهيم عرفه دخل النار وهو بيقول حسيى الله ونعم الوكيل ..

كفايه عليه انت يارب ..

تسيب الدنيا كلها وتقول انا سايبها وكفايه عليه انت يااااااارب
تقف فى وش الدنيا كلها وتقول كفايه انت معايا ياااااااارب
تنطلق الى الله .. وتقول ان انا اخرج من الدنيا بيك يااارب

انا بتكلم عن اللى عرفته الملائكه .. الالف سنين ساجده فى ملكوت السموات ويوم القيامه
ترفع رأسها وتقول ماعبدناك حق عبادتـك

بقى ملك الموت ..متخيلين المنظر ياجماعه هو لوحده فى الصحراء والصحراء حواليه السماء
فوقيه وملك الموت بينتزع روحه وبيزحف ويزحف ويزحف وقلبه بيصرخ ويقول منايا اوصللك ياارب

منايا اوصلك يااارب

مناكى توصلى لربنا .. مناك توصل لربنا سبحانه وتعالى ...

ياجماعه لو شفنا جلال ربنا بقلوبنا هيحصل ايه ؟؟

هنعمل ايه ؟ نفسك مش نفسك يرضـى عنـك ؟

مش نفسك يقبلك ؟؟
مش نفسك يفتح ابواب السماء لدعائك ..؟؟
مش نفسنا ياجماعه لو متنا دلوقتى تقابل ربنا سبحانه وتعالى .. وهو راضى عننـا ؟
عايزين نقوله منانا نوصلك ياارب
يبقى شعارنا فى حياتنا منايا اوصلك يااارب
هأقف على بابك بس اوصلك اقبلنى اقبلنى يارب

هاعمل كل حاجه توصلتى ليك يارب بس اقبلنى ..
هاسيب كل حاجه تعطلنى عنك يارب بس اقبلنـى ..

منايا اوصلك يارب يبقى شعارنا فى حياتنا الايام القادمـه خصوصا مابعد رمضان ..

أأأأأأأأأه لو عرفنا ..
أأأأأأأأأه لو عرفنا قد ايه هو رحيم ...
أأأأأأأأأه لو عرفنا انه بيحبنا قد ايه ...
أأأأأه لو عرفنا هو فرحان بينا قد ايه دلوقتى واحنا بنسمع عنه وبنتكلم عنه اد ايه ؟؟
أأأأه لوعرفنا انه نعمته علينا ... قد ايه ؟
أأأأه لوعرفنا قدرته وعظمته وحكمته ؟؟

أحنا جهلنا بالله سبب مشاكل حياتنـا ...
جهلنا بحكمته .. هو اللى خلانا نسخط فى الابتلاءات لما يبتلينا
جهلنا برحمته .. هو اللى خلانا مش قادرين نحبه سبحانه وتعالى او كتير مننا مش قادر يحبه .. ليه ..
بقى ياجماعه التوبه ... عندنا توبه بااارده التزام بارد
زى ابن ساب ابوه عشرين سنه واخيرا راجع لابوه فابوه فرحان بيه وبيجرى عليه الابن قام مدايده كده وسلم سلام ..

الـتززززززززززام بارد التززززززززززززززززام بارد
مفيش لقاء حب حار صادق تجاه الله وانت راجع ليه جهلنا بقدرتـه .. هو اللى يخلى وحده متخلفش خمس سنين ووحده تقول معقول اتجوز ايه ياجمـاعه
جهلنا يعقابه .. هو اللى يخلينا نتجرا على فعل المعاصى والعياذ بالله
جهلنا بعظمته .. هو اللى خلانا نستكتر ركعتين سرحانين فى تلاتربعمهم لمانصليهم لربنا فى جوف الليل ..

معرفـه الله هو اللى هتقلب حياتنـاا

عشان كده الليله
منايا نوصل لربنا منانا نوصله بقلوبنا للملك الجليل سبحانه وتعالى ..

انهارده ياخوانا هنتكلم عن عظمته وقدرته ... قد ايه ؟؟

ده حديث يتزلزل اى قلب حى ..

( أهتز عرش الرحمن لموت سعد بن معاذ )

يقول النبى صلى الله عليه وسلم ( اهتز عرش الرحمن لموت سعد بن معاذ من فرحه الرب عزوجل )
ربنا فرحان بيك ... ربنا ممكن يحب عيد للدرجه دى ...
ربنا ممكن بفرح بيك يوم لقائك ليه للدرجه دى
اللى بيفرح بتوبتك لدرجه ان الرسول صلى الله عليه وسلم يقول ( الله افرح بتوبه احدكم من رجل كان معاه بعير ومعاه الزاد فى الصحراء لوحده الزاد كله راح والبعير ضل وخلاص هلك نام
تحت شجره وبيفتح عنيه لقى البعير قدامه والزاد قدامه والرجل مقدرش )

ده ربنا رحمته بيك قبل ماتتوب ..
بيأمر ملك الحسنات انه يكتب الحسنه فور عملها ... انما ملك السيئات بيفضل 6 ساعات ميكتبهاش لييييييييييه

لعلك تتوب لعلك ترجع الى ربنا خطوه يكون ممكن يكون بينك وبينه عطاء ..
خطوه خديها عشان تقربى منه اكثر .. ممكن يكون بينك وبين النجاه فى الاخره من كل المعاصى اللى عملتها خطوه التزام تاخدها جديده ...

انتى قعدتى تحلمى وانت قعدت تحلم
يبقى فى الجنـه شكلك ايه ...
مره قعدت تحلم وانت بتبص من القصر بتاعك فى الجنه هتشوف ايه ...
الناس دى عاشت دين دين فعلا فى علاقتها مع الله سبحانه وتعالى .

علشان كده كان اصحابى بيروح للنبى ويقوله اى الصدقه افضل عايز احسن حاجه ؟؟
أنتى تروحى للنبى صلى الله عليه وسلم تقوليله اى الحجاب افضل ؟؟؟

حجاب امهات المؤمنين مهما كنتى جميله .. مهما كانت الناس بتبصلك مهما كنتى هتتحاربى
فى حجابك لولبيسته ..
وانت تقول يارسول الله اى الالتزام افضل ..
انك تلتزم وانت شاب صغير لسه بصحتك ولسه قادر تعبد ربنا وتخدم دين ربنا سبحانه وتعالى
طبعا الكبير المهم انك تقبل على ربنا بصدق ..
أنت عارف ربنا بيحبك قد ايه ومستنيك تتوب وترجع ليه علشان يفرح بيك
انت عارف انه رحمته واسعه بينا .. اد ايه

وعليكم السلام ورحمه الله وبركاته

اتمنى من الله ان اكون وصلت اليكم الدرس بصوره كويسه
واتمنى من الله ان تستفادوا منه واى تعليق من الاعضاء والمشرفين انا بنتظار ردكم

وجزانى الله واياكم الى فعل الخير والعمل الصالح

تسلم كوبرا بس كنت عايزه اعرف ردكم على الموضوع ايه
علشان انزل الجزء التانى شكرا

أأأأأأأأأه لو عرفنا ..
أأأأأأأأأه لو عرفنا قد ايه هو رحيم ...
أأأأأأأأأه لو عرفنا انه بيحبنا قد ايه ...
أأأأأه لو عرفنا هو فرحان بينا قد ايه دلوقتى واحنا بنسمع عنه وبنتكلم عنه اد ايه ؟؟
أأأأه لوعرفنا انه نعمته علينا ... قد ايه ؟
أأأأه لوعرفنا قدرته وعظمته وحكمته ؟؟

ربنا يكرمك يا بحر
وااااااااااااااااااه لو التزمنا بتعاليمة
زى ما بنلتزم بتعاليم البشر الحاكمين
بجد ربنا يكرمك
وننتظر المزيد

الله يعزك ويكرمك يارب يافهـد
وجزاك الله كل خير على مرورك
وأنـتـظروا م،نـى الجزء التـانـى

أأأأأأأأأأأأه لو عرفنا الله كما يجب ان نعرفه تسلم ايدك

تسلمى برنسيسه على مرورك واهتمامك لمواضيعى
جزاكى الله كل خيرا

» الفوائد المنتقاة من تفسير جزء عم للشيخ / محمد بن
» سلسلة اقبلنى يارب للدكتور حازم شومان
» اللقاء الثانى للشيخ يوسف استس.................
» اسطوانة تحفيظ القرآن للشيخ الحذيفى
» ليه البنات مش بتتجوز للشيخ للمجموعه من احد المشايخ